سودانيات
مسطول مشى العيادة لاقاه امام الجامع سألو :ياشيخنا خيييير؟؟ الشيخ قال ليهو : جيت أحلل السكر.. ضحك المسطول وقال ليهو :دا من زماااااان حلال بس اجتهد لينا في البنقو
واحدقال لمرتو انا بحب جالكسي قالت ليهو مدام بقيت صريح معاي انا بحب بكري .. قال ليها جالكسي دي شوكلاته يا ولية قالت ليهو أها بكري دا عسل عديييييل
شافع مشى لبتاع دكان رباطابي ..قال ليهو ابوى قال ليك ادينا جبنة بخمسين قرش ..قال ليهو امشى قول لابوك يجى يلحس السكين
زولة ركبت الحافلة وشايلة شافع شين .. السواق قال ليها لكن الشنا ماعندكم .. زعلت ومشت الكنبة الورا قعدت جمب مسطول قال ليها مالك !! .. قالت ليهو السواق نبذنا قال ليها خلاص جيبي القرد الشايلاهو دا .. واصلو ما تخلي حقك
رباطابي أبوه مات .. مشى يطلع شهادة الوفاة ..الموظفة المسؤولة كانت مشغولة وسرحانة قاليها داير اطلع شهادة وفاة ..قالت ليهو: داير تعمل بيها شنو؟ .. قاليها : المرحوم قبلوه في جامعة النيلين ماشي اسجله
كمساري حافله مسطول بينادي الركاب (شعبي .. شعبي)شاف عربية البوليس بقي ينادي (وطني.. وطني)
ادروب سمع الفنان بيغني : نحن في الدمعات غرقنا .. قال : والله راهاااات .. نحنا فتة ما لاقين
واحد زعلالالالالان من مرته اتصل ..سألها: طابخة لينا شنو علي العشاء ؟قالت ليه : سم! .. قال ليها : حلوووو .. اتعشي و اتخمدي نومي لأني ح أتأخر
مسطول سال مرتو بتفكري في شنوقالت ليهو في نفس البتفكر فيهو المسطول قال ليها سجم خشمك بتدوري تعرسي فوقي
واحد ماشي صلاة الجمعة ...لقى الناس طالعين من الجامع للتعترو ساْل ليهو رباطابي: الصلاة انتهت ؟الرباطابي قال ليهو: لا .. رجعونا نجيب السبح
ﺭﺑﺎﻃﺎﺑﻲ ﺭﺍﻛﺐ ﺍﻟﻄيارﻩ ،،،،،،، ﺑﺮﺩ ﺷﺪﻳﺪ ﻣﻦ ﺍﻟﻤﻜﻴﻒ،،،،،، ﻗﺎﻝ ﻟﻠﻤﻀﻴﻔﻪ يا ﺑﺘﻲ ﺟﻴﺒﻲ ﻟﻲ ﺑﻄﺎﻧﻴﺔ،،،، المضيفه ﺩﺍﻳﺮﻩ ﺗﺘﻈﺎﺭﻑ ﻗﺎﻟﺖ ﻟﻲ يا ﻋﻤﻮ .. ﺑﺮﺩﺍﻥ؟؟؟ _ ﻗﺎﻝ ﻟﻴﻬﺎ ............... ﻻﻻ ﺩﺍﻳﺮ ﺃﻛﻮﻱ
ﻣﺴﻄﻮﻝ ﺷﻐﺎﻝ ﻓﻲ ﺷﺮﻛﺔ ﺩﺍﻳﺮ ﻳﺘﺼﻞ ﻋﻠﻰ ﺍﻟﺒﻮﻓﻴﻪ ﻭﺇﺗﺼﻞ ﻋﻠﻲ ﺍﻟﻤﺪﻳﺮ ﺑﺎﻟﻐﻠﻂ ﻭ ﻗﺎﻝ ﻟﻴﻮ ﺟﻴﺐ ﺍﻟﺸﺎﻱ ﺑﻲ ﺳﺮﻋﺔ ﻟﻮ ﻣﺎ ﺃﺳﺮﻋﺘﻪ ﺑﺸﻮﺗكـ ﻣﻦ ﺍﻟﺸﺮﻛﺔ ﺩﻱ ..ﺍﻟﻤﺪﻳﺮ ﻗﺎﻝ ﻟﻲ ﺇﻧﺖ ﻋﺎﺭﻑ ﺑﺘﺘﻜﻠﻢﻣﻊﻣﻨﻮ؟..ﺍﻟﻤﺴﻄﻮﻝ: ﻻﻻ ﻗﺎﻟﻴﻮ ﺍﻧﺎ ﺍﻟﻤﺪﻳﺮ......ﺍﻟﻤسطﻮﻝ ﻗﺎﻟﻴﻮ ﺧﻼﺹ ﺇﻧﺖ ﻋﺎﺭﻑ ﺑﺘﺘﻜﻠﻢ ﻣﻊ ﻣﻨﻮ ؟..ﺍﻟﻤﺪﻳﺮ ﻗﺎﻝ ﻟﻴﻮ ﻻﻻ .. ﺍﻟﻤﺴﻄﻮﻝ ﻗﺎﻟﻴﻮ ﺍﻟﺤﻤﺪﻟﻠﻪ ﻭ ﻗﻔﻞ ﺍﻟﺨﻂ
ﻣﺴطول مشى ﻳأﻛل ﺑﻴﺘزﺍ ﻗﺎﻝ:ﻭﺍﻟﻠﻪ ﺍﻟﺒﻴﺘزﺍ ﺩﻱ ﻳﺠﻴﺒوﻫﺎ ﻟﻴك ﻣرﺑﻌﺔ ﺗﻔﺘﺤﻬﺎ تلقاها ﻣدﻭﺭﺓ .... ﺗﺄﻛﻠﻬﺎ وهي ﻣﺜﻠﺜﺔ ﺯﺍﺗو ﻣﺎ ﻋﺎﺭﻓﻴن ﺩﻱ ﺑﻴﺘزﺍ ﻭﻻ ﺣﺼﺔ ﺭﻳﺎﺿﻴﺎﺕ ....!!!؟؟؟!!؟
واحده قالت لزوجها امشي جيب لينا خروف نحتفل بزواجنا بعد مرور خمسه و عشرين سنه ! .. قاليها الخروق ذنبو شنو يدفع ثمن غلطه ارتكبتها أنا قبل خمسه و عشرين سنه ..؟
مسطول محتال قال لحبيبتو: سلفيني عشره جنيه .. أديني منها خمسة وخلي معاكي خمسة أكون داير منك خمسة وإنتي دايرة مني خمسة وكده نكون حبايب
مسطول بيشاغل في واحدة: ياعسل ..قالت ليهو: انت اهبل !!قال ليها: تلفونك !!قالت ليهو: انت اهبل !!قال ليها: افهميني .. داير اعرسك .. قالت ليهو: انت جادي! ..قال ليها: انتي هبلة !!
شايقية دايرة تمشي الحج قالوا ليها الحج بعشرة مليون ..ةقالت ليهم في شان شنو .. انا ذاتي ما عندي ذنوب قدر دا
بتاع ضرائب مسطول مشي لى تاجر خرفان داير الضرائب .. الزول حلف بي دينو وإيمانو إنو ما باع ولا خروف ...المسطول لقي اقرب خروف سألو: الزول ده باع ولا ما باع .. الخروف قال ليهو: باااااااااااع
مسطول عضتو نملة مشت وجات بعد مسافة عضتو تاني في نفس الحتة، قال ليها ما متأكدة ولا شنو
اسرة سودانية مشوا اجازة تركيا .. ابو العيال راح منهم في السوق .. المرا مشت لاقرب بوليس قال ليها اوصافو شنو !!!ردت: طويل وابيضاني .. شعرو اصفر وعينو زرقاء و ... وبتها عملت مداخلة: لكن يا ماما دي ما اوصاف بابا قالت ليها: اسكتي يا غبيانة .. يمكن يجيبوا لينا مهند
مسطول نزل من الطيارة شايل بنطلونو في كتفوالناس سألوه مالك يا زولقال ليهم: المضيفة كرهتنا .. اربط الحزام .. فك الحزام
» تانى وين القاكى
» دردشات فى الفيس بوك
» جانا العيد ......
» حب فيسبوكى
» برجك بالسودانى ....
» الشواكيش ولا الزواج من البنات الحتاكيش
» الجرتق الممارسة والادوات
» الحاج ود عجبنا