لُسِااااانَ الُغًازُ

ﻟﺴﺎﻥ ﺍﻟﻐﺎﺯ ﻏﻠﺐ
ﻭﺍﺣﺪﺓ ﺭﺍﺟﻟﻬﺎ ﻣﻐﺘﺮﺏ ﻗﺎﻣﺖ ﺑﻤﻨﺎﺳﺒﺔ ﺍﻧﻌﺪﺍﻡ ﺍﻟﻐﺎﺯ
ﺭﺳﻠﺖ ﻟﻴﻬﻮ ﺍﻟﻘﺼﻴﺪﺓ ﺩﻱ :
ﺍﻟﺸﻲ ﺍﻟﻤﻬﻢ ﻣﺎ ﻗﻠﺘﻮ ﻟﻴﻚ
ﻭﺍﻟﻠﻴﻬﻮ ﻣﺎ ﻇﻨﻴﺖ ﺣﺴﺐ
ﺍﻟﻐﺎﺯ ﺩﻩ ﻣﻌﺪﻭﻡ ﻓﻰ ﺍﻟﺒﻴﻮﺕ
ﻭﺍﻟﻨﺎﺱ ﺑﺘﻄﺒﺦ ﺑﺎﻟﺤﻄﺐ
ﻭﺍﻻﺯﻣﺔ ﻓﻰ ﺍﻟﻐﺎﺯ ﻓﻰ ﺍﻟﺒﻠﺪ
ﻣﻌﺪﻭﻣﺔ ﻣﻦ ﺍﺳﻮﺍﻗﻨﺎ ﺗﺐ
ﻟﻮ ﺷﻔﺖ ﺻﻒ ﺍﻟﻐﺎﺯ ﻃﻮﻳﻴﻴﻞ
ﻭﺍﻟﺰﺣﻤﻪ ﻓﻴﻬﻮ ﺑﻼ ﺍﺩﺏ
ﻣﺮﺍﺕ ﺷﺘﻴﻤﻪ ﻣﻌﺎﻫﺎ ﻛﻒ
ﻭﻣﺮﺍﺕ ﻛﻮﺍﺭﻳﻚ ﺑﻲ ﻏﻀﺐ
ﺍﻟﻨﺎﺱ ﻳﺰﺣﻮ ﻣﻦ ﺍﻟﺼﺒﺎﺡ
ﻭﻣﻦ ﻋﻴﻨﺎ ﺯﺍﺗﻮ ﺍﻟﻨﻮﻡ ﻫﺮﺏ
ﻟﻮ ﺟﻴﺖ ﻭﻗﻔﺖ ﻣﻊ ﺍﻟﺼﻔﻮﻑ
ﻭﺍﻟﻠﻪ ﻛﺎﻥ ﺷﻔﺖ ﺍﻟﻌﺠﺐ
ﺷﺒﺎﻥ ﻳﺰﺣﺰﺣﻮ ﻓﻰ ﺍﻟﺼﻔﻮﻑ
ﻭﻭﺍﺣﺪﻳﻦ ﻛﻤﺎﻥ ﻭﺍﻗﻔﻴﻦ ﺿﻬﺐ
ﻭﺍﺣﺪ ﻳﻠﺰﻙ ﻣﻦ ﻗﻔﺎﻙ
ﻭﻣﺎﺗﻨﺪﻫﺶ ﻟﻮ ﺍﻧﻀﺮﺏ
ﻋﻤﻚ ﻛﺒﻴﺮ ﺷﻖ ﺍﻟﺼﻔﻮﻑ
ﻓﻰ ﻧﺼﻮ ﺑﻲ ﻋﻤﻪ ﺍﻧﻜﺮﺏ
ﻭﺣﻨﻜﻮﺷﻪ ﻗﺎﻋﺪﻩ ﻣﻦ ﺍﻟﺼﺒﺎﺡ
ﻋﺎﺟﺒﺎﻫﻮ ﺟﺪ .. ﺩﺍﻙ ﺃﺏ ﺷﻨﺐ
ﺃﻧﺒﻮﺑﺘﻮ ﻟﻤﺎ ﺑﻘﺖ ﻗﺮﻳﻴﻴﺐ
ﻗﺎﻝ ﻟﻴﻬﺎ ﺣﺎﺷﺎﻙ ﺍﻟﺘﻌﺐ
ﺟﻴﺒﻴﻬﺎ ﺍﻧﺒﻮﺑﺘﻚ ﻫﻨﺎ
ﻛﻴﻔﻦ ﺗﻮﻟﻌﻰ ﻟﻠﺨﺸﺐ
ﺷﺎﻝ ﻟﻴﻬﻮ ﻭﺭﻗﻪ ﻣﻦ ﺍﻻﺭﺽ
ﻭﺍﺗﺴﺎﺑﻮ ﻓﻴﻬﺎ ﻭﺭﺍﺡ ﻛﺘﺐ
ﻗﺎﻝ ﻟﻴﻬﺎ ﺑﻨﺘﻈﺮ ﺍﻟﻤﺴﺎﺀ
ﻭﺃﺻﻠﻮ ﺍﻟﺘﻌﺎﺭﻑ ﻣﺎ ﻛﻌﺐ
ﻭﺃﺧﻮﻫﺎ ﻛﺎﻥ ﻗﺎﻋﺪ ﻗﺮﻳﻴﺐ
ﻗﺎﻝ ﻟﻴﻬﻮ ﻫﺲ ﺃﺳﻜﺖ ( ﺷﺘﺐ )
ﺍﻟﻐﺎﺯ ﺩﻩ (ﺃﺗﻌﺰﺯ ﻋﺪﻳﻞ )
ﻭﻭﺟﻮﺩﻭ ﺟﺪ ﺃﺻﺒﺢ ﺻﻌﺐ
ﺁﺧﺮ ﻛﻼﻣﻰ ﺑﻘﻮﻟﻮ ﻟﻴﻚ
( ﺟﻴﺐ ﻟﻲ ﻏﺎﺯ ﺧﻠﻲ ﺍﻟﺪﻫﺐ )